Quompliqada’s 100th post
yey! sangdaang kalokohan, kakulitan, kapraningan, kabitter-an, at kung anu-ano pa. magcecelebrate ako, inom akong kape! hahaha.
sinimulan ko tong blog na to dahil:
1. nauso
2. bored ako
3. kelangan ng outlet
4. wala, trip lang talaga.
bakit dragon juice?
dragonesa’s juice. iba’t ibang essence, minsan pa-profound, minsan - ay madalas pala - bitter, makulit, minsan basta may masabi lang. pakiramdam ko nga sobrang inexpose ko sarili ko sa blog na to. hehe. buti na lang tanga yung mga pinatutungkulan ko at hindi nila alam na sila yun, kundi…kaput! hehe. naisip ko rin na dapat siguro may kwenta ang ilagay ko ngayon, pero naisip ko, akin namang blog to kaya, watdahel pinigang balat ng kahel, ilalagay ko pa rin to. shet! haha.
ETO NA YUNG TOTOONG POST:
Kelangan natin ng mga komplikasyon sa buhay. Di mo kasi mararamdaman ang saya hanggat di ka pa natatanga. Di ka matututong ayusin ang mga sarili mong gusot kung tatakasan mo lang palagi,may bonus pang multo yan, matatanga ka lalo dahil iisipin mo to hanggat di pa tapos.
Dalwang klase lang yun, yung ikaw ang binibigyan ng komplikasyon o ikaw ang nagpapakomplikado ng buhay ng iba. May pangatlo pala, kung ikaw si hunyo, combo nung mga naunang nabanggit ang category mo.
Di ko rin alam kung bat gusto ko lagi ng gulo. Pakiramdam ko kasi pag masyadong madali, may mali. Praning na kung praning pero yun talaga ang naiisip ko. Sa halos lahat ng bagay o kaya tao. Kahit sinong ka-close ko ang tanungin mo, walang magsasabi sayo na never ko silang hiniritan o binara. Katwiran ko kasi kung di nila kayang tagalan yung masamang side ko e hindi rin sila worth ilaban ng patayan. Kaya nga onti lang yung masasabi kong "True Friends" hehe. Char. Lampas naman sa bilang ng daliri ng kamay at paa kaya siguro marami na yun. Hehe.
Hindi ko naman ginusto pero komplikado talaga karamihan ng mga natatapat saken. O malamang ako lang ang nagpapakomplikado, kasi nga… wala, trip lang. hehe. Ang sakin lang naman, kung di mo na kaya edi umalis ka. Manghihinayang siguro ko pero gaya ng gutom at pakiramdam pag natatae, lilipas din yon kung alam mo ang tamang pagtitiis.
Kung hindi ako komplikado, hindi mo siguro ko matatandaan. Isa lang sa mga napagtripan mo nung wala ka pang magawa. Side venture. Kung hindi ako komplikado, hindi mo ko hahanap-hanapin. Kung hindi ako komplikado, hindi ka siguro babalik-balik. Kung hindi ako komplikado siguro ayos lang sayo na hindi na kita pinapansin. Kung hindi ako komplikado, hindi siguro ganun kasaya ang bawat "meeting" natin noon. Kung hindi ako komplikado, hindi siguro sya kasama mo ngayon.
La naman akong magagawa kung sawa ka na sa giyera. Pwede namang ibang tao awayin. Hehe.
Kaw lang siguro nakaintindi sa lahat ng komplikasyon kong pinapauso. Panalo sa timing. Di ko lam kung tsamba lang lahat yun. Pero alam mo kung kelan yung totoong topak kesa sa topak-topakan lang. Alam mo kung anong gagawin pag sinumpong na ko. Alam mo kung kelan ako hahabulin at kung kelan ako hahayaang magpalamig. Hinahanap ko pa rin yung ganon hanggang ngayon, kaya siguro takot na silang lahat saken. Yung iba wala, ayaw lang. hehe. Ayos lang. hehehe. May kandidato ngayon na gusto kang tapatan. Tatagal kaya? Hehe. Mukang hindi. Pero sana mali ako…
