KAMUSTA NAMAN??
Sa harap ng computer sa opisina.
Airconditioned.
Malamig.
Sya lang ang tao.
Pilit kinacram ang trabahong matagal na dapat tapos. Di rin nya alam kung bakit kelangan nyang ulit-ulitin yung report na pinapagawa sa kanya e kahit anong gawin naman e pareho din ng conclusion.
Humahaba lang bawat rebisa, ganun pa rin naman. Nagiging boring lang lalo, nakakapagod.
At dahil nga sa sobrang pressure, nautot sya.
Di na napigilan.
Walang tunog pero lintik ang amoy.
ANGBAHO!
Pero wala syang magawa.
Alang ibang dapat sisihin kundi ng sarili dahil sya ang may gawa ng sariling delubyo. Lalong isinumpa ang putanginang trabaho.
Gusto nyang umalis na sa lugar na yon. Huminga ng malinis na hangin sa labas pero hindi nya magawa.
Bakit?
Kasi panaginip lang lahat.
Wala naman talaga sya don pero kongkretong nararamdaman, nakikita, at – higit sa lahat – naaamoy nya ng paligid. Isipin mo na lang kung ikaw ang nasa lugar nya. Nakakayamot siguro noh?
