legs, legs, legs mo ay nasa ibabaw…
nahukay ko sa desktop ko, matagal nang nakatengga for posting. oo, ako na ang mayabang. naisip ko lang sa minsang pagsumpong ng toyo. ang tamaan, illegal logger!! haha
Pumunta ako kanina sa negosyo ng mga magulang ko na pinaiintindi nila sakin dahil ginugulangan daw sila ng mga tauhan nila. At dahil tinotopak ako at normal na araw lang naman, naka shorts at t-shirt akong pumunta don, muka akong basahan. Habang sakay ng tricycle papunta don, may nadaanan kaming mga lalaking walang alam na magandang gawin sa mga buhay nila kaya hapon pa lang nag iinom na sa tabi ng kalsada. My sinabi sila sa driver na hindi ko inintindi pero sa itsura nung driver mukang nakakagago para sakin yung sinabi. Punyeta talaga, magsuot ka lang ng maiksing shorts, malandi ka na, bastusin, haliparot, pokpok, at kung anu-ano pang kaya nilang sabihin. Gusto ko silang babain at tadyakan ng tigitigisa sa parte na hindi agad mawawala ang sakit, kaso marami pa kong kelangang gawin. Hindi ba pwedeng dahilan na mainit lang kaya ako naka shorts? O kaya naman wala nakong maisuot? O kaya nman yun lang yung una kong nahugot sa cabinet ko? O kaya sadyang maganda ang legs ko para itago? Kaso hindi pedeng ipaliwanang lahat ng dahilan na yan sa lahat ng taong masasalubong ko, pwede rin pala akong mgpatatak ng t-shirt na magpapaliwanag ng mga dahilan na to. Kaso ala akong pakialam masyado, tumingin man kasi sila maghapon, hindi naman nila makukuha.
Pero dapat din sigurong sinasala yung mga nagsusuot ng shorts. May mga tao kasing sadyang matigas ang muka, ako nung magkapeklat yung isa kong hita, nahiya nakong magshorts, baka kasi may kumakain pagdaan ko tas mawalan ng gana. Pero yung iba talaga matigas ang muka. Yung mga tipong pag dumaan mapapatawag ka sa DENR para mag report ng illegal logger na nahuli mong may dalang troso. Yung matutulala ka for two seconds dahil pinag iisipan mo kung humanly possible ba yung ganun kalaking legs tas maitim tas ipapakita pa sa shorts na halos hanggang singit? Putik, ako na ang manlalait, filingera, at whatever, pero kung ako ang may ganon, kukunan ko ng picture tas ilalagay sa lata at hihingi ng donation na kundi man pampa-lypo, pambili manlang ng pantalon.
Siguro din dapat ko nang tigilan ang pakikialam sa hita ng iba. Pero sa t’wing may makikita ‘ko, naaalala ko ang kagubatang halos kalbo na, naaawa ako sa iba pang kagaya kong nawawalan ng gana twing makikita yung punyetang mga hita nung taong ganun. Pag naging Presidente ako, sisiguruhin ko na dapat may lisensya muna bago ka makapagsuot ng shorts, yung may due process talaga. Parang VISA application. Mahigpit, tutal para din naman sa kanila yun, iwas kahihiyan at mas maganang pagkain para sa mga kumakain sa mataong lugar. Morale booster na, nagpopromote pa ng good health. Lahat panalo!
(Hehe. Obviously, wala lang akong magawa.)
